भदौ ६/खबरकलम संवाददाता: पुतलीबजार नगरपालिका वडा नं १३ हिरापाटा स्थित झापाकोट युवा क्लबले दोस्रो तीज गीत प्रतियोगिता आयोजना गर्ने भएको छ।‌

यही भदौ २१ गते शुक्रवारका दिन हिरापाटा साउनेपानी मैदानमा तीज महोत्सव आयोजना गर्न लागिएको जानकारी उक्त कार्यक्रमका संयोजक उदयबहादुर जिटीले दिए। उनका अनुसार तीज गीत प्रतियोगितामा गीतको बोल खुला हुने तर राजनीतिक, सामाजिक तथा सांस्कृतिक सद्भावनामा कुनै असर पुग्ने गरी गाउन भने पाइने छैन।

उक्त प्रतियोगिताको पुरस्कार राशी प्रथम, द्वितीय र तृतीय पुरस्कारको क्रमश: १५०००, १०००० र ५००० नगद सहित प्रमाणपत्र र उत्कृष्ट नृत्यको लागि समेत नगद रु १००० र प्रमाणपत्र रहने छ।

साथै, सोही दिन हिरापाटा लिफ्टिङ खानेपानी आयोजनाको समेत उद्घाटन कार्यक्रम रहेको छ। संघीय सांसद् राजु थापाले उक्त खानेपानी आयोजनाको उद्घाटन गर्ने भएका हुन्।