खबरकलम संवाददाता: स्याङ्जा जिल्लाको पत्रकारितामा थप एक साप्ताहिक पत्रिका र पत्रिकाकै अनलाइन संस्करण थपिएको छ। 

प्रमाणन्यूज नामक अनलाइन पोर्टल र साप्ताहिक छापा बजारमा ल्याउने तयारी गरिएको जानकारी उक्त मिडियाका अध्यक्ष गोपाल जिटीले दिए। 

मिडियाको उद्घाटन तथा पत्रिकाको लोकार्पण वालिङ नगरपालिकाका नगरप्रमुख कृष्ण खाँणले गर्ने कार्यक्रम आजै राखिएको छ। गोपाल जिटी अध्यक्ष र कला राना सम्पादक रहेको प्रमाणन्यूजको कार्यकारी सम्पादक भने नारायण कोइराला रहनेछन्। उक्त पत्रिकालाई स्याङ्जाको महत्त्वपूर्ण सञ्चार संस्था बनाउने प्रयत्न गरिने तयारी प्रमुख कार्यकारी सञ्चालक मोहन गुरुङको छ। 

स्याङ्जाका नागरिकका मुद्धा र सिद्धार्थ राजमार्गको स्तरोन्नति लगायतका विषयमा मिडियाको खबरदारी निरन्तर रहोस् भन्ने शुभकामना खबरकलम डटकमबाट पनि व्यक्त गर्दछौं।