जेठ १/स्याङ्जा : स्याङ्जा जिल्लाको बिरुवा गाउँपालिका महालेखा परीक्षकको कार्यालयले सार्वजनिक गरेको प्रतिवेदन अनुसार सबैभन्दा कम बेरुजु हुने पालिका बन्दै जिल्लाको प्रथम बनेको छ।

महालेखापरीक्षकको कार्यालयले सार्वजनिक गरेको ६२औँ वार्षिक प्रतिवेदनमा कुल रकममा ०.१२ प्रतिशत मात्रै बेरुजु रहेको बिरुवा गाउँपालिकाले जिल्लामा यो वर्ष आफूलाई आर्थिक सुशासनमा अब्बल बनाएको हो।

महालेखापरीक्षकको कार्यालयले सार्वजनिक गरेको प्रतिवेदनका अनुसार बिरुवापछि बेरुजु कम भएको पालिकामा कालीगण्डकी गाउँपालिका छ । कालीगण्डकीको ०.२४ प्रतिशत मात्रै बेरुजु देखिएको छ । यसैगरी फेदीखोला गाउँपालिमा कुल बजेटको ०.३४ प्रतिशत बेरुजु छ । बेरुजु कम गर्ने पालिकामा जिल्लाभित्र फेदीखोला गाउँपालिका तेस्रो स्थानमा छ । फेदीखोलापछि अर्जुनचौपारी गाउँपालिका चौथो स्थानमा छ। जसको कुल बेरुजु ०.३७ प्रतिशत छ।