भदौ ९/स्याङ्जा: नेपालको कानूनले अवैध मानेको गाँजा खेतिप्रति स्याङ्जा प्रहरी निकै आक्रमक रुपमा प्रस्तुत भैरहेको छ।

पछिल्लो समय अवैध रुपमा खेति गरिएको गाँजाका बोटहरु जिल्ला प्रहरी कार्यालय स्याङ्जा र यस मातहतका प्रहरी कार्यालयले गस्ती टोली नै बनाएर नष्ट गरेको हो। यस अन्तर्गत आज पनि प्रहरी चौकी पंचमूलबाट खटिएको टोलीले आँधीखोला गाउँपालिका वडा नं छ ढलेपिपलमा अवैध रूपमा रहेका हरिया गाँजाका बोटहरू फँडानी गरेको हो।

स्याङ्जा जिल्लाभर गाँजाका बोटहरु नष्ट गर्ने तथा सचेतना कार्यक्रम सञ्चालन गर्ने कार्यलाई निरन्तरता दिइने प्रहरीले जनाएको छ।