खबरकलम डेस्क: अर्जुनचौपारी गाउँपालिकाको आर्थिक सहयोगमा दलित उत्थान केन्द्रद्वारा अर्जुनचौपारी गाउँपालिका वडा नं ४ रापाकोटमा ९२ वर्षीय धनकुमारी दर्जीको घर मर्मत तथा अर्जुनचौपारी गाउँपालिका वडा नं ५ मुलाबारीकी ५९‌वर्षीय फुलमाया दर्जी तथा वडा नं ५ आरुचौर निवासी धनबहादुर बिकको २ कोठे घर निर्माण गरी हस्तान्तरण गरिएको छ।

हस्तान्तरण कार्यक्रमका प्रमुख अतिथि अर्जुुुनचौपारी गाउँपालिका अध्यक्ष प्रकाश तिवारी, उपाध्यक्ष सपना गुरुङ, प्रमुख प्रशासकीय अधिकृत आशिष शर्मा, वडा नम्बर १ का वडाध्यक्ष रणबहादुर थापा, वडा नम्बर ५ का वडाध्यक्ष बद्री पौडेल, प्रेस सेन्टर गण्डकीका अध्यक्ष अर्जुन काफ्ले, कार्यपालिका सदस्य प्रेम नेपाली, वडा सदस्यहरु नेत्र बहादुर गुरुङ, देवका चापागाईं, हिराकुमारी बिक, धनमाया बिक, रामु विष्ट लगायतका व्यक्तिको उपस्थितिमा नवनिर्मित घरको साँचो हस्तान्तरण गरिएको हो।

उक्त अवसरमा पौडेल फेन्सी स्टोर अर्जुनचौपारीका प्रोपाइटर बेलप्रसाद पौडेलले रापाकोटकी धनकुमारी दर्जीलाई १ सेट बेड बिस्तारा तथा लगाउने चप्पल, साडी, टिसर्ट सल लगायतका सामग्रीहरु सहयोग गरे।

दलित उत्थान केन्द्र अर्जुनचौपारीले‍ दलितहरुको घर निर्माणमा अग्रसरता देखाइरहेको छ।