असार २२/स्याङ्जा: गएरातिदेखि अविरल रूपमा भैरहेको वर्षाका कारण पहिरो जाँदा पुरिएर स्याङ्जा जिल्लाको विरुवा गाउँपालिकामा २ जनाको ज्यान गएको छ भने एक जना वेपत्ता भएका छन्।

मृत्यु हुनेमा विरुवा गाउँपालिका वडा नं ६ लामाखेत स्थित ५८ वर्षीया हरिदेवी शर्मा, ७१ वर्षीया गुह्येश्वरी शर्मा छन्। यस्तै सोही स्थानका माधव शर्मा हराइरहेका छन् भने उनको अवस्था हालसम्म अज्ञात रहेको जनाइएको छ।