खबरकलम संवाददाता /साउन २९: झापाकोट युवा क्लबले ग्रामीण सडकमा सूचनामूलक जानकारी दिने गरी सडक सूचना बोर्ड लगाएको छ।

पुतलीबजार नगरपालिका वडा नं १३ हिरापाटा, अर्जुनचौपारी गाउँपालिका वडा नं १ ठाडाखेत तथा अन्य स्थानमा विभिन्न सडक तथा स्थानको जानकारी देखिने गरी लेखिएका ८ वटा सडक सूचना बोर्ड लगाइएको हो।

पुतलीबजार नगरपालिका वडा नं १३ का वडाध्यक्ष जुद्धबहादुर थापाले उक्त कार्यक्रमको उद्घाटन गर्दै आफूहरुले प्राथमिकतामा राख्न नसकेको कार्यक्रम झापाकोट युवा क्लबका युवाहरुले गरेको भन्दै क्लबको सामाजिक सेवाको निम्ति आभार व्यक्त गरे।

झापाकोट युवा क्लबले आफ्नै कोषबाट २६ हजार रुपैयाँ लगानी गरी आठ वटा सडक सूचना बोर्ड लगाइएको जानकारी झापाकोट युवा क्लबका उपाध्यक्ष गुप्तबहादुर जिटी उदयले जानकारी दिए।