भदौ १४/खबरकलम: कोरोना भाइरस (कोभोड १९) संक्रमण हुनेको संख्या नेपालमा हालसम्मकै उच्च भएको छ। आज आइतबार मात्रै १२२१ जना नयाँ कोरोना संक्रमित थपिएका हुन्। हालसम्म कोरोना भाइरसबाट संक्रमित हुनेको संख्या नेपालमा ३८ हजार ५ सय ६१ पुगेको छ।

विगत २४ घण्टामा २ सय ६७ जना कोरोनाबाट निको भएर घर फर्केका छन् । २० हजार ८ सय २२ जना निको भएर घर फर्किसकेका छन्।

हालसम्म नेपालमा ६ लाख ८२ हजार ३ सय ४३ जनाको पिसिआर परीक्षण भएको छ भने पछिल्लो २४ घण्टामा मात्रै १२ हजार ७ सय १७ जनाको पिसिआर परीक्षण गरिएको छ।