खबरकलम संवाददाता/असोज ८: स्याङ्जा जिल्लाको वालिङ नगरपालिका वडा नं १४ तमादीमा अविरल वर्षाका कारण आज गएको पहिरोमा पुरिएर ९ जनाको मृत्यु भएको छ।

मृतकहरु एकै परिवारका माया नेपाली, सेनु नेपाली, जेठो छोरा दिपक नेपाली, साइलो छोरा कुलदिप नेपाली, कुलदीपको श्रीमती बिनिता नेपाली, बिनिता-कुलदीपकोको एक वर्षे छोरा, काइलो छोरा शिशिर नेपाली, कान्छो छोरा दिवस नेपाली र पाहुना भएर आएकी रुपा नेपाली छन्। एक जना घाइते मनिषा नेपालीको जीवितै उद्धार गरिएको र अस्पताल पठाइएको प्रहरीले जनाएको छ।

एकै परिवारका ९ जनाको मृत्यु भएपछि सिंगो स्याङ्जा जिल्ला नै शोकमा डुबेको छ।