कार्तिक १४/अन्तर्राष्ट्रिय: युनिभर्स बोसको उपनामले कहलिएका ४१ वर्षीय क्रिस हेनरी गेलले टि-ट्वान्टी क्रिकेटमा १००० छक्काको कोसेढुङ्गा पार गरेका छन्।

युएईमा जारी १३ औँ संस्करणको आईपिएलमा राजस्थान रोयल्स बिरुद्ध ९९ रन बनाउँदै उनले उक्त रेकर्ड पूरा गरेका हुन्।

शतक बनाउनबाट १ रनले चुकेका उनलाई इङ्गल्याण्डका तिव्र गतिका बलर जोफ्रा आर्चरले बोल्ड गरे।

क्रिस गेलले हालसम्म टि-ट्वान्टी क्रिकेटमा १००१ छक्का प्रहार गरेका छन्।

उनले ओडिई क्रिकेटमा १०४८० रन, टेष्ट क्रिकेटमा ७२१४ रन र टि-ट्वान्टी इन्टरनेशनल क्रिकेटमा १७२७ रन बनाएका छन्। भने २५७ अन्तर्राष्ट्रिय विकेट लिएका छन्।

जमैकामा जन्मेका क्रिस गेल वेस्ट इन्डिजको मुख्य खेलाडी हुन्। उनले हालसम्म सन्यास लिईसकेका भने छैनन्।