असार २/स्याङ्जा: प्रथम जिल्ला स्तरीय अन्डर-१४ जुनियर छात्रा- छात्रा अन्तर विद्यालय प्रतियोगिता-२०८० सम्पन्न भएको छ।

आज स्याङ्जामा भएको फाइनलमा कन्साइन्स माविले कालिका मावि झापाकोटलाई हराउँदै उपाधि जितेको हो। स्याङ्जा जिल्लाका ११ वटा पालिकाका जम्मा छात्र २४ टिम र छात्रा १२ टिमबीच भएको खेलमा छात्रतर्फ कन्साईन्स आवासीय माध्यमिक विद्यालय प्रथम भएको छ भने छात्रा तर्फ प्रथम ईभरग्रीन वाेर्डिङ स्कूल प्रथम भएको छ । प्रथम भएको कन्साइन्स मावि हेलुले नगद रु ७००० सहित ट्रफी मेडल र प्रमाणपत्र प्राप्त गर्यो।

फाईनल खेलमा टस जितेर पहिले ब्याटिङ रोजेको कन्साईन्स मावि हेलुले कुल १० ओभरमा ३ विकेटको क्षतिमा १३४ रनको टार्गेट दिएको थियो । लक्ष्य फछ्याएको कालिका मा.वि झापाकोटले पुरै विकेट गुमाउँदै ४२ रन बनाउन सफल भयो । छात्रातर्फ टस जितेर ब्याटिङ रोजेको ईभरग्रिनले १० ओभरमा १ विकेट गुमाउँदै ७३ रनको टार्गेट दिएको थियो । लक्ष्य पछ्याएको हिमालयन मा.वि. स्याङ्जाले जम्मा ४५ रनमात्र बनाउन सफल भयो ।

छात्रतर्फ तृतीय स्थान भवानी मा.वि मिर्मीले र छात्रातर्फ ज्ञानोदय मावि राङ्खोलाले प्राप्त गर्यो ।