मंसिर १०/जीवन अर्याल : अर्जुनचौपारी गाउँपालिका स्तरीय अन्तर विद्यालय दोस्रो राष्ट्रपति रनिङ शिल्ड तथा वृहत् शैक्षिक महोत्सव -२०८१ मा पञ्चकन्या माविका हित बहादुर क्षेत्री र घण्टे माविकी बिनिता जीसी उत्कृष्ट भएका छन् ।

गाउँपालिकाले आयोजना गरेको उक्त महोत्सवमा हित बहादुर क्षेत्रीले सात स्वर्ण र एक रजत पदक प्राप्त गरेका थिए । उनले १०० मिटर दौड, २०० मिटर दौड, ४०० मिटर दौड, १५०० मिटर दौड, १०० मिटर रिले, ४०० मिटर रिले र डोरी तान्ने प्रतियोगितामा स्वर्ण पदक जित्न सफल भएका थिए भने कबड्डीमा रजत पदक जितेका थिए । 

त्यस्तै, कक्षा १ – ५ मा सबै भन्दा धेरै बिनिसा जीसीले तीन स्वर्ण र एक कास्य पदक हासिल गरेकी थिइन् । उनले २०० मिटर दौड, ४०० मिटर रिले दौड र लङजम्पमा स्वर्ण पदक हासिल गरेकी थिइन् भने १०० मिटर रिलेमा कास्य पदक जितेकी थिइन् । 

घण्टे माविकी विनिता  क्षेत्रीले  चार स्वर्ण, २ रजत पदक र २ काँस्य पदक जितिन्। 

१०० मि दौड, ४०० मिटर दौड, भलिबल र लङजम्पमा स्वर्ण जितेकी उनले २०० मिटर तथा १६०० मिटर दौडमा रजत पदक हात पारिन्। कबड्डी र त्रिपलजम्पमा भने उनले २ काँस्य पदक जितिन्। 

यस्तै, अमरज्योति मावि मार्चपासमा उत्कृष्ट विद्यालय घोषणा भएको थियो ।