सहचालक फालेको आरोपमा चालक पक्राउ

चैत्र १६/स्याङ्जा : स्याङ्जामा ट्याक्टरबाट खसेर घाइते भएका सहचालकलाई कालीगण्डकी नदीमा फालेको आरोपमा चालक पक्राउ परेका छन् ।

बालुवा लिएर फर्किँदा चैत ५ गते सहचालक गणेश गाहालाई गल्याङ नगरपालिकाको साँखरबाट कालीगण्डकीमा जिउँदै फालेको अभियोगमा लु अ अ फ १०१२ नम्बरको ट्याक्टरका चालक अमित परियार पक्राउ परेका हुन् ।

श्रीमती र छोरीसहित भारततर्फ भाग्न लागेको अवस्थामा वडा प्रहरी कार्यालय वालिङबाट खटिएको प्रहरी निरीक्षक हरिप्रसाद पौडेलको टोलीले रुपन्देही वेलहिया नाकाबाट चैत १३ गते पक्राउ गरेको जिल्ला प्रहरी कार्यालयका प्रवक्ता राजेन्द्र अधिकारीले जानकारी दिए । परियारलाई चैत १६ गते अदालत उपस्थित गराई अनुसन्धानका लागि अनुमति लिएको उनले बताए ।

उनीबारे थप अनुसन्धान भैरहेको प्रहरीले जनाएको छ।

Share Post on Social media
  •  
  •  
  •  
  •