फागुन ७/नारायण प्रसाद कोइराला: नेपाल विद्यार्थी संघ भीरकोटले ७३ औं प्रजातन्त्र दिवसका अवसरमा जिल्ला स्तरीय वक्तृत्वकला प्रतियोगिता सम्पन्न गरेको छ।

भीरकोट नगरपालिका वडा नं छ स्थित भाग्योदय माविमा आज एक कार्यक्रमका बीच वक्तृत्वकला प्रतियोगिता सम्पन्न गरिएको हो। भीरकोट नगरपालिकाका नगरप्रमुख गोविन्द कुमार कर्माचार्यको प्रमुख आतिथ्यतामा सम्पन्न गरिएको उक्त कार्यक्रममा बोल्दै नगरप्रमुख कर्माचार्यले प्रजातन्त्रको उदयपछि शिक्षा क्षेत्रमा आमुल परिवर्तन भएको धारणा राखे।

नेपाली काँग्रेसका प्रदेश सचिव अमृत अर्याल, जिल्ला सदस्य तोयानाथ अर्याल, इन्दिरा केसी, भीरकोट नगरपालिका उपप्रमुख भगवती अर्याल, नेपाली कांग्रेस भीरकोट सभापति यामप्रसाद अधिकारी, भीरकोट नगरपालिका वडा नं ७ का वडाध्यक्ष ताराप्रसाद अर्याल, नेपाल विद्यार्थी सङ्घका केन्द्रीय सदस्य हेमप्रकाश गुरुङ, ध्रुवबन्धु पंगेनी, आदर्श मल्ल लगायतका अतिथिहरुले वक्ताको रुपमा सहभागिता जनाएका थिए।

यसैगरी क्षेत्रीय प्रतिनिधि क्षेत्रबहादुर थापा, नेविसंघ स्याङ्जा जिल्ला अध्यक्ष गौरव प्रधान, त्रिभुवन आदर्श बहुमुखी क्याम्पस स्ववियु सभापति सविन रेग्मी, नेपाल शिक्षक संघ स्याङ्जाका तर्फबाट रेशम रेग्मी, रेशम खनाल लगायतले आफ्नो धारणा राखेका थिए।

नेविसंघ भीरकोटका सभापति मुनाल गोदारको सभापतित्वमा भएको उक्त कार्यक्रमको सञ्चालन नेविसंघ भीरकोट सहसचिव गोपाल अधिकारीले गरेका थिए।

कुल २४ जना प्रतियोगी विद्यार्थी भएको उक्त वक्तृत्वकला प्रतियोगितामा प्रथम स्थान दहथुम माविकी सम्झना अधिकारीले प्राप्त गरिन्। यसैगरी द्वितीय स्थानमा भानुभक्त माविकी मञ्जुश्री अधिकारी, तृतीय स्थान पूर्णामृत भवानी माविका पोषकान्त लुइँटेल तथा सान्त्वना बालोदय माविकी विनिशा खनालले प्राप्त गरेका थिए।