१० असार, काठमाडौं । ओली सरकारले कागको उदाहरण दिँदै ‘अर्थतन्त्रभन्दा ज्यानको सुरक्षा ठूलो हो’ भन्दै आँखा चिम्लिएर ८० दिनसम्म लगातार लकडाउन गर्‍यो । बढीमा एक महिना लकडाउन गरेर आर्थिक गतिविधि खुकुलो पारिदिएको भए अर्थतन्त्रमाथि घात हुने थिएन कि ? यो प्रश्नको जवाफ दिने जिम्मा विज्ञ/विश्लेषकहरूको हो, यहाँचाहिँ सरकारी उपेक्षाका कारण ठमेलका व्यवसायीले भोग्नुपरेको दर्दनाक कथा पढौं ।

ईश्वरीप्रसाद भण्डारी अर्थात् ठमेलका ‘फोटो गुरु’ , ३० वर्षदेखि फोटो व्यवसायमा छन् । उनैले हो ठमेलमा फोटो व्यवसाय सुरु गरेको । ‘भण्डारी फोटो स्टुडियो’बाट व्यवसाय थालेका उनी आजभोलि आफ्नो पसल ‘ठमेल फोटो जोन’मा भेटिँदैनन् ।