खबरकलम संवाददाता/माघ ९: भीरकोट नगरपालिका वडा नं ९ वडा कार्यालयले आफ्नो वडाभित्र रहेका सार्वजनिक विद्यालयमा अध्ययनरत विद्यार्थीहरुलाई न्यानो कपडा वितरण गरेको छ।

नर्सरी (शिशु) कक्षादेखि पाँच कक्षासम्म अध्ययनरत विद्यार्थीलाई न्यानो पोशाक वितरण गरिएको जानकारी भीरकोट नगरपालिकाका नगरप्रमुख गोविन्द कुमार कर्माचार्यका स्वकीय सचिव आयुश पौडेलले जानकारी दिए।

भीरकोट नगरपालिका वडा नं ९ का वडाध्यक्ष भीमबहादुर गुरुङको अध्यक्षतामा आयोजना गरिएको उक्त कार्यक्रममा प्रमुख अतिथिको रुपमा भीरकोट नगरपालिकाका नगरप्रमुख गोविन्द कुमार कर्माचार्य उपस्थित थिए भने बालमैत्री सहजकर्ता विष्णुमाया काफ्ले , कार्यपालिका सदस्य खगीसरा बिककाे विशेष आतिथ्यता रहेको थियाे।

सिरकाेट माविका ५५ जना, पीपलडाँडा माविका ५७ जना, भविष्य निर्माण आविका १४ जना र ठूली भञ्ज्याङ माविका २८ जना विद्यार्थीलाई पोशाक वितरण गरिएको थियो।