कार्तिक २३/स्याङ्जा: स्याङ्जा जिल्लामा जीप दुर्घटनामा परी घाइते भएका एकको मृत्यु भएको छ।

हिजो स्याङ्जा जिल्लाको भीरकोट नगरपालिका बयरघारी फाँटदेखि पकानसम्म धान र पराल बोकेर जाँदै गरेको लु २ च २६९६ नम्बरको जीप सोही नगरपालिका – ५ स्थित हर्खौदीमा अनियंत्रित भई दुर्घटना हुँदा कच्ची सडकबाट करिब ३० मिटर तल खस्दा जीपमा सवार ५ जना घाइते ( २ जना गम्भीर) भएका थिए।

उनीहरुको स्वास्थ्य उपचारको लागि पोखरा स्थित गण्डकी मेडिकल कलेजमा लगिएको थियो। उनै घाइतेमध्ये एकको ज्यान गएको हो। घाइतेमध्ये एक असिम सेनको मृत्यु भएको हो।

जिल्ला प्रहरी कार्यालय स्याङ्जाले जनाएअनुसार हालसम्म पनि जीपका चालक फरार छन् र, उनको खोजी भइरहेको छ।