Month: ८ महिना अगाडि

खबरकलम संवाददाता/स्याङ्जा:स्याङ्जाको भीरकोट नगरपालिका वडा नं ६ उजेलीडाँडास्थित श्री भाग्योदय माध्यमिक विद्यालय स्थापनाको ५० बर्षमा पुगेको अवसरमा आयोजित स्वर्ण महोत्सवको आज उद्घाटन हुनेे भएको छ।

स्वर्ण महोत्सवलाई भव्य बनाउन विद्यालयले आजदेखि माघ १४ गतेसम्म स्वर्ण महोत्सव मनाउने भएको हो। वि.सं. २०३३ सालमा एउटा समीको चौपारीको नाङ्गो चौरमा खरको छानामुनिबाट सुरु भएको भाग्योदय माध्यमिक विद्यालयले ५० औं वर्ष प्रवेश गरेको अवसरमा विविध शैक्षिक, सांस्कृतिक कार्यक्रम , स्वर्ण स्मारक निर्माण, शैक्षिक मेला , बालप्रतिभा प्रदर्शनी र अतिरिक्त क्रियाकलापसहित स्वर्ण जयन्तीलाई शैक्षिक महोत्सवका रूपमा मनाउन लागिएको विद्यालयका प्रधानाध्यापक रेशमलाल खनालले जानकारी दिए।

महोत्सवको उद्घाट्नमा राष्ट्रपति रामचन्द्र पौडेल देखि गण्डकी प्रदेशका मुख्यमन्त्री सुरेन्द्र पाण्डेले समेत गर्ने चर्चा एवम् आयोजकले बताएको थियोे तर निर्वाचन आंचार संहिताले दुबै नआउने भएपछि जिल्ला समन्वय समितिका प्रमुख श्रीप्रसाद जिटीले गर्ने तयारी गरिएको छ ।
स्वर्ण महोत्सवका लागि ५०१ सदस्यीय मूल समिति गठन गरेर तयारी व्यापक गरिएको व्यवस्थापन समिति सदस्य विश्वनाथ अर्यालले बताए । विद्यालय व्यवस्थापन समितिका अध्यक्ष छायाराम खनालको नेतृत्वमा स्वर्ण महोत्सव मूल आयोजक समिति गठन गरिएको थियो भने खनालकै संयोजकत्वमा आर्थिक समिति समेत गठन गरिएको छ ।
विद्यालयको स्वर्ण महोत्सवको खबरले त्यहाँ पढेका पूर्व विद्यार्थी उत्साहित भएका छन् भन्ने विभिन्न ढंगले सहयोग तथा सहभागीता हुने समेत अपेक्षा राखिएको छ। यसअघि नै पूर्व विद्यार्थी मञ्चको अधिवेशनले ढाकाराम खनालको नेतृत्वमा नयाँ कार्यसमिति गठन समेत भएको छ।

स्याङ्जा/खबरकलम संवाददाता: विश्व हिन्दु युवा संघ स्याङ्जा र ॐकार इभेन्टस हब वालिङको आयोजनामा वालिङ मोडमा ३०४ औं पृथ्वी जयन्ति एवम् राष्ट्रिय एकता दिवसको अवसरमा दीप प्रज्वलन तथा पृथ्वीनारायण शाहको तस्वीरमा माल्यार्पण कार्यक्रम सम्पन्न भएको छ ।

३०४ औ पृथ्वी जयन्ति एवम् राष्ट्रिय एकता दिवसको अवसरमा,वालिङ मोडमा दीप प्रज्वलन तथा पृथ्वीनारायण शाहको तस्वीरमा माल्यार्पण कार्यक्रम सम्पन्न गरिएको हो। कार्यक्रमको अध्यक्षता ॐकार इभेन्टस हब वालिङका अध्यक्ष विजय मल्लले गर्नुभएको थियो। कार्यक्रमको सन्चालन विश्व हिन्दु युवा संघ स्याङ्जाका अध्यक्ष नवराज पौडेलले गर्नुभएको थियो। कार्यक्रममा युवा जमातको बाक्लो उपस्थिति रहेको थियो।

युवा समाजसेवी आशिष प्रताप खाड , विजय विक्रम खाँड , अहमद अलि , सागर थापा ,नबिन गुरुङ ,सागर गुरुङ , कुशल बस्याल लगायतको उपस्थिति रहेको थियो ।कार्यक्रममा बोल्दै ॐकार इभेन्टस हब वालिङ्का अध्यक्ष विजय मल्लले पृथ्वी नारायण शाहको बारेमा बोल्नुभएको थियो।

यस्तै विश्व हिन्दु युवा संघ स्याङ्जाले जिल्लाका अन्य ठाउँमा पनि कार्यक्रम गरेको छ ।अर्जुनचौपारी गाउँपालिका वडा नं १ को कार्यालय अगाडी पृथ्वीनारायण शाहको तस्वीरमा माल्यार्पण कार्यक्रम गरेको थियो भने जय सनातन अभियान नेपालको संयुक्त आयोजना तथा पाणीनी आश्रम तथा संस्कृत गुरुकुलमको व्यवस्थापनमा जिल्लास्तरीय खुला वक्तृत्वकला कार्यक्रम समेत सम्पन्न भएको छ।कार्यक्रममा प्रथम स्थान श्री कालिका माविकी विद्यार्थी कुशुम रेग्मीले प्रथम स्थान हासिल गरेकी थिइन् भने दोश्रो स्थान साइन भिलेज इन्टरनेसनल एकेडेमीकी कृपा गैह्रेले हासिल गरेकी थिइन् । तेस्रो स्थान काजीमान हरिटीकाकी ओजस्वी सिग्देलले हासिल गरेकी थिइन्।

कार्यक्रमको प्रमुख अतिथि स्याङ्जा साहित्य प्रतिष्ठान अध्यक्ष बुद्धिबहादुर राना ( कुमार) ले गर्नुभएको थियो।