Month: ५ वर्ष अगाडि

वैशाख ६/स्याङ्जा: प्रधानमन्त्री कृषि आधुनिकीकरण परियोजना कार्यान्वयन इकाइ सुन्तला सुपरजोन स्याङ्जाको सञ्चालन समितिको अध्यक्षमा भीरकोट नगरपालिकाका सुन्तला व्यवसायी तारा प्रसाद अर्याल चयन भएका छन् ।

समितिको हालै सम्पन्न अधिबेशनले अर्याललाई संयोजकमा चयन गरेको हो । ९ सदस्यीय समितिको अन्य सदस्यमा तिरमाया गुरुङ, अन्नतराज मरासिनी, भिमा जि.टी., नविन आले, सुरेन्द्र रेग्मी, यामबहादुर के.सी., ज्ञानेश्वर चापागाईं र हिमकला शर्मा अर्याल चयन भएका छन् ।

समितिले परियोजनासँग सहकार्य गर्दै सुन्तला सुपरजोन लागु भएका पालिकामा सुन्तला व्यवसायीको हकहित र प्रवद्र्धनमा काम गर्दै आएको छ । समितिले सुन्तला व्यवसायीको क्षमता अभिबृद्धिमा समेत टेवा पुर्याउँदै किसानहरुको बृद्धि विकासमा सहयोग गर्दै आएको छ।

हालै नेतृत्वमा आएका अर्याल भीरकोट स्थित विन्ध्यवासिनी अर्गानिक कृषि फर्मका संचालक समेत हुन्।

स्याङ्जा:
नेपाल पुस्तक तथा स्टेशनरी व्यवसायी महासंघ स्याङ्जा शाखाको १२ औं साधारण सभा तथा छैटौँ जिल्ला अधिवेशन वालिङमा सम्पन्न भएको छ।

वालिङ स्थित अम्मर होटलमा महासंघका गण्डकी प्रदेश कोषाध्यक्ष रामचन्द्र नेपालको प्रमुख आतिथ्यतामा सम्पन्न साधारणसभा कार्यक्रमका सभापति एवं महासंघका निवर्तमान जिल्ला अध्यक्ष किसान श्रेष्ठले कार्यकालको समीक्षा तथा वार्षिक प्रतिवेदन प्रस्तुत गर्नुभएको थियो भने कोषाध्यक्ष युवराज गौतमले आयव्यय विवरण सार्वजनिक गर्नुभएको थियो।

साधारणसभा पश्चात भएको छैटौं अधिवेशनले आगामी ३ वर्षका लागि चुडामणि लुइँटेल (रामु) को अध्यक्षतामा १३ सदस्यीय जिल्ला कार्यसमिति निर्विरोध निर्वाचित गरेको छ । कार्यसमितीको प्रथप उपाध्यक्ष युवराज गौतम, द्वितिय उपाध्यक्ष ध्रुव खनाल, सचिव दर्वेन्द्र देव खनाल, कोषाध्यक्ष धन बहादुर अधिकारी र सह सचिवमा युवराज अर्याल चयन हुनुभएको छ ।

खबरकलम संवाददाता: चैत्र २७

कृषि तथ पशुपंक्षी विकास मन्त्री पद्मा कुमारी अर्यालले सरकार उत्पादनको आधारमा एक पालिका एक कोल्ड निर्माण गर्ने तयारीमा रहेको बताउनुभएको छ ।

शुक्रबार श्री नमुना साना किसान कृषि सहकारी सस्थाले गरेको पैचो कार्यक्रममा बोल्दै मन्त्री अर्यालले उत्पादनको आधारमा प्रत्यक पालिकामा कोल्ड रुम निर्माण गर्ने सरकारको योजना रहेको बताउनु भएको हो । सरकारले कृषि क्षेत्रमा फड्को मार्न विभिन्न किसिमको कृषिक लक्ष्यीत कार्यक्रम ल्याएकोले सामुहिक रुपमा कृषि क्षेत्रमा लाग्न कृषकलाइ मन्त्री अर्यालले आग्रह समेत गर्नु भएको थियो । ।
कार्यक्रममा बेल्दै मन्त्री अर्यालले उद्यमी गर्न चाहाने जोकोहीलाई पनि सरकारले प्राविधिक सहयोग देखि अन्य अनुदानका कार्यक्रमहरु सञ्चालन गर्दै आईरहेको भन्दै व्यवसायिक खेति प्रणालीमा लाग्नुपर्ने उहाँको भनाइ थियो । विभिन्न स्थानहरुमा संकलन केन्द्र स्थापना गरी कृषकका कृषि उपजको बजारीकरणका लागी सरकारले समन्वय गर्ने बताउदै पायक पर्ने स्थानमा संकलन केन्द्रको स्थापना र एक पालिका एक कोल्ड रुपको स्थापनाले कृषि उपजको बजारीकरणका लागी समस्या हट्ने मन्त्री अर्यालको भनाइ थियो ।

कार्यक्रममा बोल्दै मन्त्री अर्यालले सुरक्षित जनता आवास कार्यक्रम अन्र्तगत खरका छाना विस्थापित कार्यक्रमले जनता खुसी भएको बताउदै आगामी आर्थिक वर्षभित्र सबै नागरिकलाइ टिनको छाना मुनी ल्याउने सरकारको लक्ष्य रहेको मन्त्री अर्यालको भनाइ थियो । सरकारले समृद्ध नेपाल सुखी नेपालीको नारालाई सार्थकता दिनका लागी जनतालक्षित कार्यक्रमहरु सञ्चालन गर्दै आईरहेको भन्दै मन्त्री अर्यालले नागरिकका आधारभुत आवश्यता परिपुर्तिका लागी सरकार भरपुर प्रयासरत रहेको बताउनुभयो ।