Month: ३ वर्ष अगाडि

राम बहादुर रोकाहा/स्याङ्जा: स्याङ्जाको पुतलीबजार नगरपालिकामा 5A साइड फुटसल बुधबारदेखि सुरु भएको छ ।

पहिलो दिनको खेलमा बगैंचा ए´ले घुम्ती बि´लाई १ को विरुद्ध ५ गोलले पराजित गरेको थियो भने लाइटनिङ बोल्टलाई घुम्ती ए´ले ४ का विरुद्ध ६ गोलले पराजित गरेको थियो। स्वास्थ्यको लागि खेलकुद, राष्ट्रको लागि खेलकुद ´ भन्ने मुल नारासहित स्याङ्जाको देवीस्थान युवा क्लबले देवीस्थान कप 5A साइड फुटसल प्रतियोगिता आयोजना गरिएको क्लबका अध्यक्ष नरेश गुरुङले जानकारी दिए ।
उनले उक्त प्रतियोगिता फागुन १९ गतेसम्म पुतलीबजार नगरपालिका-२ देवीस्थान खेलमैदानमा हुने बताए ।

फुटबल प्रतियोगितामा प्रथम हुने टिमलाई ४० हजार रुपैयाँ नगदसहित ट्रफी, मेडल र प्रमाणपत्र र दिृतिय हुने टिमलाई २० हजार रुपैयाँसहित ट्रफी, मेडक र प्रमाणपत्र पुरस्कार स्वरुप प्रदान गरिने खेल संयोजक सोनु गुरुङले जानकारी दिए ।
संयोजक गुरुङले मेन अफ द म्याच, बेस्ट प्लेयर, बेस्ट गोलकिपर र सर्वाधिक गोलकर्तालाई पनि उत्कृष्ट पुरस्कार रहेको बताए ।

फिचर तस्विर रोचक मल्टिमिडियाले सौजन्य गरेको हो।

फागुन १६/माधवप्रसाद रेग्मी: क्लष्टर फर एकेडेमिक डेभलपमेन्ट (क्याड) ले आयोजना गरेको विद्यालय स्तरीय किक्रेट खेलमा कन्साइन्स आवासीय मावि विजयी भएको छ। फाइनल खेलमा बालोदय आवासीय माविसँग टस हारेर पहिले फिल्डिङको निम्ता पाएको कन्साइन्सले ८ ओभरको खेलमा बालोदय आवासीय माविलाई 33-6 मा समेट्न सफल भयो।

निर्धारित रनलाई पछ्याउने क्रममा कन्साइन्स आवासीय माविले २.३ ओभरमा १ विकेट गुमाउँदै जित हात पार्न सफल भएको हो। जम्मा चारवटा विद्यालयबीच भएको खेलमा भू.पू.सैनिक आवासीय मा.वि र बुद्ध मेमोरियल आवासीय मावि प्रारम्भिक‌ चरणको खेलबाट नै बाहिरिएका थिए ।
क्याड संयोजक तथा कन्साइन्स आवासीय माविका प्रधानाध्यापक साजन परियारको अध्यक्षतामा सम्पन्न भएको खेलमा प्रमुख अतिथि PABSON केन्द्रीय सदस्य तथा बालोदय आवासीय माविका प्रधानाध्यापक अमृत अर्याल, विशिष्ट अतिथि कन्साइन्स आवासीय माविका शेयर सदस्य तथा भवन निर्माण तथा मर्मत समिति संयोजक शिव प्रसाद रेग्मी र अतिथिहरु सम्बन्धित विद्यालयका प्रधानाध्यापक र खेल शिक्षक उपस्थित थिए।

कार्यक्रमको संचालन कन्साइन्स आवासीय माविका सहायक प्रधानाध्यापक माधव प्रसाद रेग्मीले गरेका थिए भने स्वागत मन्तव्य कन्साइन्स आवासीय माविकै तिला कुमारी रेग्मीले दिएकी थिइन्। खेलमा उत्कृष्ट ब्याट्सम्यान बालोदय आवासीय माविका रोशन अधिकारी, उत्कृष्ट बलर कन्साइन्स आवासीय माविका अभय बिके, उत्कृष्ट खेलाडी कन्साइन्स आवासीय माविकै अविरल पोख्ररेल भए।

कार्यक्रममा बोल्दै प्रमुख अतिथिले कन्साइन्स आवासीय विद्यालय खेलकुद र पढाईमा जिल्लाकै अब्बल रहेको कुरा बताएका थिए।

फागुन ५/रामबहादुर रोका: स्याङ्जाको पुतलीबजार नगरपालिकामा 5A साइड फुटसल हुने भएको छ ।

स्याङ्जाको देवीस्थान युवा क्लबले `स्वास्थ्यको लागि खेलकुद, राष्ट्रको लागि खेलकुद ´ भन्ने मुल नारासहित देवीस्थान कप 5A साइड फुटसल प्रतियोगिता आयोजना गरिएको क्लबका अध्यक्ष नरेश गुरुङले जानकारी दिए ।

उनले उक्त प्रतियोगिता फागुन १६ गतेदेखि १९ गतेसम्म पुतलीबजार नगरपालिका-२ देवीस्थान खेलमैदानमा हुने बताए। फुटबल प्रतियोगितामा प्रथम हुने टिमलाई ४० हजार रुपैयाँ नगदसहित ट्रफी, मेडल र प्रमाणपत्र र द्वितीय हुने टिमलाई २० हजार रुपैयाँसहित ट्रफी, मेडल र प्रमाणपत्र पुरस्कार स्वरुप प्रदान गरिने खेल संयोजक सोनु गुरुङले जानकारी दिए । उनले मेन अफ द म्याच, बेस्ट प्लेयर, बेस्ट गोलकिपर र सर्वाधिक गोलकर्तालाई पनि उत्कृष्ट पुरस्कार रहेको बताए ।