Month: ४ वर्ष अगाडि

भदौ १५/वालिङ: वालिङ नगरपालिकाले वालिङ बजारमा सडक तथा बजार क्षेत्र नै कुरुप हुने गरी राखिएका बिजुली, इन्टरनेट तथा केबुलका तारहरु व्यवस्थित सम्बन्धित पक्षलाई निर्देशन दिएको छ । सेवा प्रदायकहरूसँग छ्लफल गरी ३५ दिनभित्र अव्यवस्थित रुपमा रहेका तारहरु व्यवस्थापन गर्न निर्देशन दिइएको नगर प्रमुख कृष्ण खाँणले बताए ।

अव्यवस्थित तारहरूले शहर नै कुरुप भएको हुँदा पूराना र अनावश्यक तारहरू हटाउन निर्देशन दिइएको नगर प्रमुख खाँणले जानकारी दिए। तोकिएको समयभित्र सम्बन्धित निकायले तारहरु व्यवस्थित नगरेमा पालिकाले नै तारहरू हटाउने तर त्यस वापतको क्षति सेवा प्रदायकले नै बेहोर्नुपर्ने नगरपालिकाले जनाएको छ।

भदौ ५/पोखरा: लियो जिल्ला परिषद ३२५ एम , नेपाल द्वारा प्रथम कार्यसमितिको बैठक कास्कीको माछापुच्छ्रे गाउँपालिका वडा नं ०१ टुसेमा सम्पन्न गरेको छ l

कार्यक्रमको उट्घाटन माछापुच्छ्रे गाउँपालिका अध्यक्ष मीन बहादुर गुरुङज्युले पानसमा दीप प्रज्ज्वलन गरी गर्नुभएको थियो l कार्यक्रमका प्रमुख अतिथि गुरुङले गाउँ कार्यपालिकाको तर्फबाट यस स्थानलाई महत्त्व दिएर कार्यक्रमको लागि छनोट गर्नु भएकोमा धन्यवाद दिनुभयो l र लियो जिल्ला परिषद ३२५ एम , नेपाल र माछापुच्छ्रे गाउँपालिकाको एउटा सम्बन्ध गासिएको र साझेदारीमा कार्यक्रम गर्न गाउँपालिका तयार रहेकोे समेत बताउनु भयो।

कार्यक्रममा जोन चियर प्रसन लायन राजु देवकोटा , कोषाध्यक्ष लियो प्रेम्रराज तिवारी , जन्मसम्पर्क अधिकृत लियो बिदुर सापकोटा ,( सि ,आर , सि ) लियो निश्चल हमाल ठकुरी, (अा ,र , सि) लियो प्रवेश कुमार कार्की , लियो रमेश पाण्डे , लियो सन्तोष बराल लगायतले आफ्नो मन्तव्य राख्नुभएको थियो l
बैठकले प्रथम लियो जिल्ला परिषद बैठक भदौ २५ गते काठमाडौमा हुने र लियो क्लब अफ अटल पिंगलास्थानलाई होष्ट गर्न दिने लगायतका महत्त्वपूर्ण निर्णय बैठकले पारित गरेको छ।

कार्यक्रममा अध्यक्षता लियो सुशील भण्डारी ज्युले गर्नुभएको थियो। स्वागत उपाध्यक्ष लियो आस्बिन खतिवडाज्युले र संचालन भने सचिव लियो दिक्षान्त खाँणज्युले र धन्यवाद मन्तव्य कार्यक्रम संयोजक लियो सुजन लम्सालज्युले गर्नुभएको थियो l कार्यक्रमको संयोजन लियो क्लब अफ पोखरा माउन्टेन सिटी र लियो क्लब अफ पोखरा माछापुच्छ्रे द्वारा गरेको थियो l कार्यक्रमको जानकारी कार्यक्रम सह -संयोजक लियो ज्ञानु पौडेलले दिनुभएको थियो l

साउन २४/स्याङ्जा: स्याङ्जा जिल्लाको भीरकोट नगरपालिकाले दहथुम बहुमुखी क्याम्पस दहथुममा अध्ययनरत ५८ जना विद्यार्थीलाई छात्रवृत्ति प्रदान गरेको छ।

आज दहथुम बहुमुखी क्याम्पसमा एक कार्यक्रम आयोजना गरी एक लाख बयासी हजार बराबरको रकम छात्रवृत्ति प्रदान गरिएको जनाइएको छ। उक्त कार्यक्रममा भीरकोट नगरपालिकाका नगरप्रमुख गोविन्द कर्माचार्य, पूर्व नगरप्रमुख छायाराम खनाल, नेकपा एमाले भीरकोट नगरअध्यक्ष विश्वनाथ अर्याल लगायत स्थानीय समाजसेवी पिताम्बर श्रेष्ठ, क्याम्पस सञ्चालक समितिका पदाधिकारी, शिक्षक, पत्रकार र दहथुम बहुमुखी क्याम्पसमा अध्ययनरत करिब ८० जना विद्यार्थीको सहभागिता रहेको थियो।

दहथुम बहुमुखी क्याम्पसलाई स्तरोन्नति गरी यस क्षेत्रकै उत्कृष्ट क्याम्पस बनाउने अभियानका साथ कार्ययोजना अघि बढेको क्याम्पस व्यवस्थापन समितिले जनाएको छ।

साउन २२/स्याङ्जा: स्याङ्जा जिल्लाको प्रसिद्ध धार्मिक स्थल छायाँक्षेत्र मन्दिरमा त्रिशूल स्थापना गरिएको छ।

समाजका विभिन्न सहयोगीहरुबाट संकलन गरिएको रकमबाट त्रिशूल खरिद गरी छायाँक्षेत्र मन्दिरमा स्थापना गरिएको मन्दिर व्यवस्थापन समितिले जनाएको छ।

२५ फुट अग्लो त्रिशूल निर्माणको लागि १ लाख ३० हजार मूल्य लागेको बुझिएको छ। उक्त त्रिशूललाई छायाँक्षेत्र मन्दिर व्यवस्थापन समितिका अध्यक्ष पिताम्बर श्रेष्ठ र भीरकोट नगरपालिकाका पूर्व नगरप्रमुख छायाराम खनालले एकसाथ अनावरण गर्दै यस क्षेत्रको प्रसिद्ध छायाँक्षेत्र मन्दिरलाई देशव्यापी प्रचारप्रसार गर्न सबैमा अनुरोध समेत गरे।

स्वस्थानी ब्रतकथामा समेत उल्लेख गरिएको र स्याङ्जा जिल्लाकै प्रसिद्ध धार्मिक स्थल छायाँक्षेत्र मन्दिरमा १०८ जलधारा समेत निर्माण गर्ने प्रक्रिया अघि बढाउन लागिएको जनाइएको छ। साउन महिनाभर शिव अनुयायीको यस मन्दिरमा घुइँचो लाग्ने गर्दछ भने शिवरात्रि तथा एकादशी पर्वमा समेत भक्तजनको यहाँ भीड हुने गर्दछ।