Month: ६ वर्ष अगाडि

९ असार, काठमाडौं । अन्तरजातीय प्रेमको वियोगान्त परिणामबारे रिपोर्टिङका लागि हामी जाजरकोट-रुकुम (पश्चिम) पुगेका थियौं । जाजरकोटका नवराज बिक र रुकुम (पश्चिम) की मल्ल थरकी किशोरीबीचको प्रेमले त्यहाँ नरसंहारको रुप लिएको थियो।

वियोगान्त प्रेमको रिपोर्टिङ गर्न गएका बेला हामीले रुकुममा एउटा संयोगान्त अन्तरजातीय प्रेमकथा पनि फेला पार्यौं, जुन कथाकी एक पात्र हुन्– प्रेमकुमारी सुनार ।

दशवर्षे सशस्त्र युद्धमा सैन्य पोसाकमाथि बन्दुक भिर्ने प्रेमकुमारी अहिले मुसिकोट नगरपालिका रुकुम (पश्चिम) को उपमेयरको कुर्सीमा छिन् ।

भनिन्छ, रुकुम माओवादी जनयुद्धको उद्गम स्थल हो । जातीय र वर्गीय विभेदविरुद्ध छेडिएको क्रान्तिको आधार इलाका हो । तर जातीय विभेदकै कारण भएको सामूहिक हत्याले क्रान्तिको राँको बाल्ने रुकुममाथि प्रश्न सोझिएको छ, के नवराज बिकलगायतको शवसँगै क्रान्ति पनि भेरी नदीमा बगेको हो ?’

हामी हिजोको क्रान्तिको आधार इलाका जाजरकोट पुग्दा मृतककी आमाहरू आँसु पुछ्दै विभेदको अन्त्य र न्यायका लागि आन्दोलनको मोर्चामा थिए । रुकुमचाहिँ सुनसाथ, चकमन्न थियो ।

त्यही रुकुम (पश्चिम) को सदरमुकाम खलंगा बजारमा भेटिइन् – प्रेमकुमारी ।

हिजोका कुरा

वर्गीय एवं जातीय विभेद, असमानता र अत्याचारको चंगुलबाट देशलाई मुक्त गर्न भन्दै १७ वर्षको उमेरमै रुकुम(पूर्व)बाट प्रेमकुमारी तत्कालीन माओवादीको छापामार बनिन् ।

९ असार, वीरगञ्ज । नागरिकता ऐन संसोधन विधेयकमा ल्याइएको प्रावधानप्रति असन्तुष्ट जनता समाजवादी पार्टीले पर्साको वीरगञ्ज र पोखरियामा प्रदर्शन गरेको छ । भारत तथा तेस्रो मुलुकबाट विवाह गरेर आएकी बुहारीलाई ७ वर्षपछि मात्रै अंगीकृत नागरिकता दिने प्रावधानसहितको प्रावधान विधेयकमा छ ।

यसले सदियौंदेखि सीमा क्षेत्रमा विद्यमान सामाजिक सांस्कृतिक सम्बन्धमा समस्या ल्याउने उनीहरुको ठहर छ । मधेसी समुदायलाई अपमान गर्न, राज्यको निकायमा पुग्नबाट वञ्चित गर्नका लागि संसोधन विद्येयक ल्याएको तर्क उनीहरुले गरेका छन् ।

वीरगञ्जको घण्टाघरमा भएको प्रदर्शनमा सहभागीले नागरिकता ऐन संसोधन विद्येयक खारेज गर, नागरिकताबाट वञ्चित गर्न पाईदैन, हाम्रो आन्दोलन जारी छ, रोटी बेटीको सम्बन्ध विगार्न पाईंदैन लगायतका नारा लेखिएको प्ले कार्ड बोक्नुको साथै नाराबाजी समेत गरेका थिए । कोरोना महामारी नियन्त्रण गर्नुको साटो सरकारले नागरिकको ध्यान अर्कोतिर मोडेको आरोप जनता समाजवादीका नेता तवरेज अहमदले बताए ।

त्यसैगरी पोखरियामा पनि नागरिकता ऐन संसोधन विद्येयकको विरोधम प्रदर्शन भएको छ ।
महिला माथिको विभेद अन्त्य गर, मधेसीमाथि अत्याचार बन्द गर लगायतका नारा लेखेको प्ले कार्ड बोकेर प्रदर्शन गरेको जसपाका स्थानीय नेता शिवकुमार साहले बताए ।

प्रदर्शनमा सहभागी नेता कार्यकर्ताहरुले ‘संशोधित नागरिकता विधेयक खारेज गर’, ‘केपी ओली सरकार राजनीमा देऊ’ लगायतका नारा लगाएका थिए ।

प्रदर्शनमा पूर्वमन्त्री मोहम्मद वकिल मुसलमान, प्रदेश सभा सदस्यहरु सन्तोष पाण्डे, कल्पना पाण्डे लम्साल, जनता समाजवादी पार्टीका केन्द्रीय सदस्य देवेन्द्र पाण्डे लगायतको सहभागिता रहेको थियो ।

जसपाका नेता तथा कार्यकर्ताहरुले रुपन्देहीको गैडहवामा पनि नागरिकता विधेयकविरुद्ध प्रदर्शन गरेका थिए ।